Իրանը պաշտոնապես գործարկել է երկրի առաջին օդային տաքսին՝ բացելով նոր էջ ազգային ավիացիայի զարգացման մեջ, հաղորդում է ԻՌՆԱ գործակալությունը:
Օդային տաքսու առաջին չվերթը կապել է Քերեջ և Ղազվին քաղաքները՝ նշանավորելով կանոնավոր փոխադրումների մեկնարկը։
Պաշտոնյաներն ընդգծել են այս իրադարձության կարևորությունը երկրի ավիացիոն ոլորտի համար։
«Օդային տաքսու գործարկումը կարևոր ձեռքբերում է, որն առաջիկայում լայն հեռանկարներ կբացի»,- ասել է Կապի և տեղեկատվական տեխնոլոգիաների նախարարության ենթակայությամբ գործող «Փայամ» միջազգային օդանավակայանի և հատուկ տնտեսական գոտու գլխավոր տնօրեն Մոհսեն Հասանլուն:
Նա հավելել է, որ սա «նորարարական ծառայություն է, որը թույլ կտա հանրությանն օգտվել օդային փոխադրամիջոցներից, իսկ ներդրողներին՝ նոր հնարավորություններ ընձեռել կապիտալ ներդրումների համար»։
