Մայիսի 11-ին Ադրբեջանի պետական սահմանային ծառայությունը հայտնել է, որ 4 իրանցի անցել է իրանա-ադրբեջանական սահմանը և Խուդաֆերինի կամրջի տարածքում հողային աշխատանք է իրականացրել, հայտնել են ադրբեջանական ԶԼՄ-ները:
Նշվում է, որ իրանցիներից մեկը, նկատելով սահմանային անցակետի աշխատակիցներին, նետվել է Արազ գետը, իրանական և ադրբեջանական կողմերի մասնակցությամբ իրականացվում են նրա որոնաղական աշխատանքները։ Ըստ ծառայության՝ մյուս երեք իրանցիները հետ են քաշվել, բայց ձերբակալվել են Իրանի տարածքում:
Իրանական կողմի տրամադրած տեղեկատվության համաձայն՝ ձերբակալվածներն Իրանի քաղաքացիներ են, դեպքի առթիվ կատարվում են քննչական գործողություններ, հավելել են ԶԼՄ-ները։
