Երևանում կայացած Եվրոպական քաղաքական համայնքի (ԵՔՀ) գագաթնաժողովը նվիրված էր Հայաստանի իշխանությունների պաշտպանությանը և կարող է խարխլել տարածաշրջանային բալանսը, հայտարարել է «Ուժեղ Հայաստան» դաշինքի վարչապետի թեկնածու Սամվել Կարապետյանը:
Նա նշել է, որ հայերը հյուրասեր ժողովուրդ են, և Հայաստանը նախկինում հյուրընկալել է միջազգային խոշոր կազմակերպությունների և օտարերկրյա առաջնորդների:
«Բայց ինձ անհանգստացնում է, որ այս համաժողովը նվիրված է փոքրիկ խմբակին, որն ընդամենը մեկ ամսվա կյանք ունի իշխանավարելու մեր բարեկամ երկրներից պաշտպանելու համար: Նախընտրական մեկ նկար ստանալու համար անհանգստություն ունեմ, որ խարխլվելու է տարածաշրջանային բալանսը, և մեր ժողովուրդը կարող է դրա համար վճարել»,- ասել է Կարապետյանը:
Նա նաև մտահոգություն է հայտնել, որ սա կարող է «բացել 300 000 ադրբեջանցիների մուտքը Հայաստան»:
Դաշինքի Գյումրի այցից հետո «Ուժեղ Հայաստան»-ի առաջնորդն ընդգծել է, որ հայ ժողովուրդը, հիմնականում, մտահոգված է անվտանգությամբ և բարեկեցությամբ:
«Ինձ անհանգստացնում է երկրի աղքատության մակարդակը և դրանք հաղթահարելու ճանապարհները, որոնք մենք ցույց ենք տվել»,- ասել է նա:
ԵՀՔ գագաթնաժողովը տեղի էր ունեցել մայիսի 4-ին Երևանում: Մասնակցելու համար Հայաստան էին ժամանել ԵՄ ղեկավարությունը և ԵՀՔ անդամ պետությունների ներկայացուցիչներ, ՆԱՏՕ-ի գլխավոր քարտուղար Մարկ Ռյուտեն, Ուկրաինայի նախագահ Վլադիմիր Զելենսկին, Թուրքիայի փոխնախագահ Ջևդեթ Յըլմազը և այլոք։
