Coffee House ընկերության նկատմամբ նախաձեռնված քրեական վարույթի նախաքննության ընթացքում տեղի է ունեցել 125 մլն դրամի վերականգնում, 2 անձի նկատմամբ հարուցվել է հանրային քրեական հետապնդում, Armenia Today-ին հայտնել է Քննչական կոմիտեի խոսնակ Կիմա Ավդալյանը։
Վերջինս տեղեկացրել է, որ վարույթը նախաձեռնվել էր առանձնապես խոշոր չափերով՝ 450 մլն դրամ հարկեր, տուրքեր կամ այլ վճարներ չվճարելու դեպքի առթիվ։
«Երկու անձի նկատմամբ հարուցվել է հանրային քրեական հետապնդում՝ 290-րդ հոդվածի 3-րդ մասի 2-րդ կետով (առանձնապես խոշոր չափերով հարկերը, տուրքերը կամ այլ վճարներ չվճարելը, առավելագույն պատիժն ազատազրկում՝ 8 տարի ժամկետով-խմբ․): Վերջիններիս նկատմամբ որպես խափանման միջոց կիրառվել է բացակայելու արգելքը»,- հավելել է ՔԿ խոսնակը։
Ավդալյանը տեղեկացրել է նաև, որ ապրիլի 15-ին ընկերության կողմից առանձնապես խոշոր չափերով` հարկերը, տուրքերը կամ այլ վճարներ չվճարելու դեպքի առթիվ նախաձեռնված քրեական վարույթի նախաքննության ընթացքում իրականացվել են քննչական և վարույթային գործողություններ։
Coffee House-ն առաջին և ամենամեծ takeaway սուրճի ցանցն է Հայաստանում։ Ընկերությունը 47 մասնաճյուղ ունի։
