Լոռու մարզի Սպիտակ քաղաքում տեղի ունեցած 17-ամյա քաղաքացու սպանության գործով մեկ անձ է կալանավորվել, Armenia Today-ին հայտնել է Քննչական կոմիտեի մամուլի խոսնակ Կիմա Ավդալյանը։
Նա մանրամասնել է, որ 1 անձի նկատմամբ հարուցվել է հանրային քրեական հետապնդում՝ Քրեական օրենսգրքի 155-րդ հոդվածի 2-րդ մասի 5-րդ կետով (անչափահասի սպանությունը, առավելագույն պատիժը՝ ցմահ ազատազրկում), 297-րդ հոդվածի 2-րդ մասի 1-ին կետով (մի խումբ անձանց կողմից խուլիգանությունը, առավելագույն պատիժը՝ 5 տարվա ազատազրկում) և 334-րդ հոդվածի 1-ին մասով (ապօրնի զենք կրելը, առավելագույն պատիժը՝ 2 տարվա ազատազրկում), երկու անձի նկատմամբ՝ 195-րդ հոդվածի 2-րդ մասի 5-րդ կետով (մի խումբ անձանց կողմից ֆիզիկական ներգործությունը, առավելագույն պատիժը՝ երկու ամիս ժամկետով ազատազրկում ) և 297-րդ հոդվածի 2-րդ մասի 1-ին կետով:
Մարտի 18-ին ԶԼՄ-ները հայտնել էին, որ «Սպիտակ» բժշկական կենտրոն էր տեղափոխվել 17-ամյա Գրիշա Պ․-ն է, նրա մարմնի վրա հայտնաբերվել էր դանակի մի քանի հարվածի հետք։
