Կալանավորվել է Շենգավիթ վարչական շրջանի նախկին ղեկավար Ռազմիկ Մկրտչյանը, գրում է «Հայկական ժամանակը»՝ հղում անելով իր աղբյուրենրին։
Հունիսի 10-ին Մկրտչյանը հայտնել էր վարչական շրջանի ղեկավարի պաշտոնից հեռանալու մասին։
Ապրիլի 20-ին Հակակոռուպցիոն կոմիտեից Armenia Today-ին հայտնել էին, որ քննչական գործողությունների արդյունքում ձերբակալություններ են կատարվել Շենգավիթի թաղապետարանում։ Մկրտչյանն այդ ժամանակ գրել էր, որ կաշառք վերցնելը, հանրային միջոցներ յուրացնելը, «փող ուտելն» իր համար կարմիր գիծ է։
Ապրիլի 23-ին կոմիտեից Armenia Today-ին փոխանցել էին, որ ձերբակալվածներց մեկը կալանավորվել է, մյուս ձերբակալվածի նկատմամբ կիրառվել է տնային կալանք։ Հունիսի 2-ին իրավապահները տեղեկացրել էին, որ Շենգավիթ վարչական շրջանի երկու պաշտոնյաները ղեկավարի աշխատակազմից են, զբաղեցրել են առաջատար մասնագետների պաշտոններ։
