Մենք ԱԺ դահլիճը չենք լքել, իրենք պարզապես իրենց վախերից ելնելով ՝ ուղիղ հեռարձակումն անջատեցին՝ հանրության մոտ այնպիսի տպավորություն ստեղծելով, թե մենք լքել ենք դահլիճը։ Այս մասին Armenia Today-ի հետ զրույցում նշել է ԱԺ «Հայաստան» խմբակցության պատգամավոր Արեգնազ Մանուկյանը։
«Իրականում մենք մնացել ենք դահլիճում, այդ անձի (ի նկատի ունի վարչապետ Նիկոլ Փաշինյանին, խմբ.) երեսին ասել ենք այն, ինչ մտածում էինք և նա է փախել ԱԺ-ի դահլիճից և շենքից»,-հայտարարեց պատգամավորը։
Մանրամասն՝ տեսանյութում։
Հիշեցնենք, որ նախօրեին ընդդիմադիր պատգամավորները լքեցին ԱԺ դահլիճը։ ՀՀ վարչապետը ճանապարհեց ԱԺ դահլիճից հեռացող ընդդիմության ներկայացուցիչներին։ «Ախ չե՞ք ուզում լսեք․․․»,- ասաց Փաշինյանը, իսկ իշխանական պատգամավորները ծափահարեցին գործող վարչապետին ու գոչեցին՝ «Նիկոլ՝ վարչապետ»։
