Բրազիլիայում COP30 միջազգային կլիմայական համաժողովի 13 մասնակից թունավորվել է հրդեհից առաջացած ծխից, հայտնել է Reuters-ը։
Նշվում է, որ Բրազիլիայում համաժողովի աշխատանքը նոյեմբերի 20-ին կասեցվել է, երբ տարածքում հրդեհ է բռնկվել, և տեղի ունեցել տարհանում։
Հրդեհը բռնկվել է ցուցադրման տաղավարում։ Տարածված տեսագրություններում երևում է, թե ինչպես են բոցերն արագորեն տարածվում շինության ներսում տեղադրված պատի և առաստաղի նյութերի վրա։ Կայքը հավելել է, որ հրդեհը շուտ մարվել է։
Պաշտոնական նախնական տվյալներով՝ հրդեհի պատճառն էլեկտրական սարքավորումն էր, հնարավոր է՝ միկրոալիքային վառարանը։ Նշվում է, որ
COP30-ի աշխատանքները շարունակվելու են։
