ԱՄՆ նախագահ Դոնալդ Թրամփը Թեհրանի բնակիչներին հորդորել է անմիջապես լքել մայրաքաղաքը։ Այս մասին նա գրել է Truth social-ում:
«Բոլորը պետք է անմիջապես տարհանվեն Թեհրանից»,- ասված է Սպիտան տան ղեկավարի գրառման մեջ:
Բացի այդ, Թրամփը շեշտել է, որ Թեհրանը պետք է ստորագրած լիներ Վաշինգտոնի հետ միջուկային համաձայնագիրը, ինչի շուրջ մինչև Իսրայելի կողմից մեկնարկած ռազմական գործողությունները նրանք բանակցությունների մի քանի փուլ էին անցկացրել։
«Ես նրանց ասել էի՝ ստորագրեք։ Ինչ ափսոս ու ինչ անիմաստ մարդկային կորուստներ»,- հավելել է ԱՄՆ նախագահը։
Թեհ Թեհրանը բազմիցս պնդել է, որ ուրանը հարստացնում է միայն խաղաղ նպատակներով, Թրամփը ևս մեկ անգամ կրկնել է, որ Իրանը չի կարող միջուկային զենք ունենալ:
Իսրայելն Իրանի ռմբակոծությունն սկսել էր հունիսի 13-ին՝ հայտարարելով, որ Թեհրանը միջուկային ռումբ ստեղծելու եզրին է: Այդ ժամանակից ի վեր Իրանն ու Իսրայելը հզոր հարվածներ են հասցնում միմյանց՝ սպանելով ու վիրավորելով խաղաղ բնակիչներին մտահոգություններ առաջացնելով ավելի մեծ տարածաշրջանային հակամարտության վերաբերյալ:
Հունիսի 17-ի առավոտյան երկու կողմերը տեղեկացրել են, որ գիշերվա ընթացքում շարունակել են հարվածները միմյանց ուղղությամբ:
