ԱՄՆ-ի Կոլորադո նահանգի Բոուլդեր քաղաքում հրեա համայնքի միջոցառման ժամանակ տղամարդը հրկիզող սարքեր ու «Մոլոտովի կոկտեյլներ» է նետել մարդկանց բազմության վրա, ինչի հետևանքով տուժել է առնվազն 8 մարդ, տեղեկացրել է CNN-ը:
Երկրի հետաքննությունների դաշնային բյուրոն հայտնել է, որ կասկածյալը՝ Մոհամեդ Սաբրի Սոլիան, հարձակման ժամանակ գոռացել է «ազատությո՛ւն Պաղեստինին»։ Միջադեպը տեղի է ունեցել յուրաքանչյուր շաբաթ անցկացվող հավաքի ժամանակ, որը նվիրված է Գազայում ՀԱՄԱՍ-ի կողմից պատանդներին աջակցությանը։
Իրավապահ աղբյուրները CNN-ին փոխանցել են, որ Սոլիմանը նախկինում դիմել է ԱՄՆ-ին՝ ապաստանի համար, սակայն 2005 թվականին մերժվել է՝ մուտքի վիզա չստանալով։ Հայտնի չէ, թե երբ կամ ինչպես է նա մուտք գործել ԱՄՆ։ Սպիտակ տան ղեկավարության տեղակալ Սթիվեն Միլլերն ասել է, որ Սոլիմանն «ապօրինի մնացել է ԱՄՆ-ում»՝ զբոսաշրջային վիզայի ժամկետի ավարտից հետո։
Այս միջադեպը վերջիններից է ԱՄՆ-ում հրեական համայնքի դեմ իրականացվող հարձակումների շարքից՝ Իսրայելի և Գազայի պատերազմի ֆոնին։ Երկու շաբաթ առաջ Վաշինգտոնում սպանվել էր Իսրայելի դեսպանատան երկու աշխատակից, հարձակվողը ևս ձերբակալվելու պահին գոռացել էր՝ «ազատությո՛ւն Պաղեստինին»։
