Այսօր առավոտյան տեղի ունեցած երկրաշարժից հետո Թայլանդի մայրաքաղաք Բանգկոկում արտակարգ դրություն է հայտարարվել, երկրի օդանավակայանները սահմանափակել են թռիչքները, հայտնում է ՌԲԿ-ն։
Ըստ կայքի՝ իշխանությունները բնակչությանն զգուշացրել են հետագա ցնցումների վտանգի մասին, որոնք կարող են տեղի ունենալ 24 ժամվա ընթացքում։
Թաիլանդի օդային երթևեկության վերահսկման ծառայությունը հրահանգել է փակել բոլոր օդանավակայանները՝ որպես նախազգուշական միջոց, սակայն ավելի ուշ թռիչքները վերսկսվել են:
Մարտի 28-ին Մյանմայում 7,7 մագնիտուդ ուժգնությամբ երկրաշարժ էր տեղի ունեցել: Ցնցումներն զգացվել էին նաև Բանգլադեշում, Հնդկաստանում, Թաիլանդում, Լաոսում և Չինաստանում:
