Ռուսական կողմը տհաճորեն զարմացած է հայկական կողմի՝ Հայաստանում «Ռոսսոտրուդնիչեստվոյի» ներկայացուցչության նախկին ղեկավար, այս երկրի հետ բարեկամության ռուսական ընկերության ղեկավար Վիկտոր Կրիվոպուսկովին երկիր մուտք գործելու մերժումից, հայտնում է «ՌԻԱ Նովոստին»՝ իրազեկ դիվանագիտական աղբյուրի հղումով։
«Ըստ առկա տեղեկատվության՝ Հայաստանի իշխանությունները չեն բացատրել Կրիվոպուսկովի՝ Հայաստանի տարածք մուտք գործելու արգելքի պատճառները»,- մանրամասնել է նա։
Նա հավելել է, որ Մոսկվան խնդրել է Երևանին նշել արգելքի պատճառները։ «Հայ գործընկերներին արդեն խնդրել են պարզաբանել իշխանությունների այս որոշման դրդապատճառները և հանրապետական սահմանապահ ծառայության տեսակետից ՌԴ քաղաքացու կարգավիճակը»,- ասել է նա։
Լրատվամիջոցի զրուցակցի խոսքով, Ռուսաստանի հայտնի քաղաքական, հասարակական գործիչների, լրատվամիջոցների ներկայացուցիչների նկատմամբ Երևանի կողմից կիրառվող սահմանափակումները «դառնում են արատավոր պրակտիկա, որը չի աշխատում երկկողմ հարաբերությունների զարգացման համար»։
Կրիվոպուսկովին արգելել են մուտք գործել Հայաստան օգոստոսի 24-ին։ Այս մասին նա տեղեկացել է «Զվարթնոց» օդանավակայան ժամանելուն պես։ Կրիվոպուսկովը Armenia Today-ին ասել է, որ փակելով իր մուտքը Հայաստան՝ Հայաստանի վարչապետ Նիկոլ Փաշինյանը «մեծ նվեր» է արել Ադրբեջանի նախագահ Իլհամ Ալիևին և Թուրքիայի նախագահ Ռեջեփ Թայիփ Էրդողանին։ Նա խոստովանել է, որ ցնցված է իր նկատմամբ վերաբերմունքից, և իրեն անվանել է հասարակական գործիչ, ով «իր ողջ գիտակցական կյանքը նվիրել է հայ ժողովրդի շահերի պաշտպանությանը»։
Նա Armenia Today-ին ասել է նաև, որ խորհրդային տարիներից ի վեր իրեն արգելել են Ադրբեջան մուտք գործել՝ «Ապստամբ Ղարաբաղ. ԽՍՀՄ ՆԳՆ սպայի օրագրից», արխիվային փաստաթղթերի հիման վրա։
