Հունաստանի Հռոդոս կղզում ընթացող 2025 թվականի շախմատի Եվրոպայի կանանց անհատական առաջնությունում Հայաստանը ներկայացնող գրոսմայստեր Մարիա Գևորգյանը հաղթել է Եվրոպայի կանանց գործող չեմպիոն, ադրբեջանցի միջազգային վարպետ Ուլվիյա Ֆաթալիևային, հայտնում են Հայաստանի շախմատի ֆեդերացիայից։
Առաջնությանը մասնակցող մյուս հայ շախմատիստուհիները նույնպես առաջատարների շարքում են։
Ֆեդերացիայից հավելել են, որ առաջնության 4-րդ խաղափուլից հետո Հայաստանը ներկայացնող գրոսմայստեր Էլինա Դանիելյանն ունի 3,5 միավոր և կիսում է 2-8-րդ հորիզոնականները: Միջազգային վարպետ Լիլիթ Մկրտչյանը և Գևորգյանը վաստակել են 3-ական միավոր և առաջատարների շարքում են:
