Դեն Բիլզերյանը պատմել է, թե ինչու է եկել Հայաստան

Ամերիկացի վենչուրային կապիտալիստ, միլիոնատեր, պոկերի հայտնի խաղացող Դեն Բիլզերյանը եկել է Հայաստան։ Բիլզերյանն իր առաջիկա այցի մասին ավելի վաղ հայտնել էր Instagram-Stories-ում։

Հուլիսի 6-ին՝ ժամը 14:30-ին, Dan’s Shop-ում՝ Դեն Բիլզերյանի պաշտոնական խանութ-սրահում Հայաստանում, նա հանդիպեց երկրպագուների հետ։

Հանդիպման մասնակիցները հնարավորություն ունեցան ձեռք բերել Բիլզերյանի ինքնակենսագրական «Դրվածք» գիրքը նրա ինքնագրով։

«Հիանալի է, ես սիրում եմ իմ երկրպագուներին»,- իր խանութում երկրպագուների հետ հանդիպումից հետո լրագրողների հետ զրույցում ասաց Բիլզերյանը։

Հայաստանում նոր նախագծերի մասին Armenia Today-ի թղթակցի հարցին ի պատասխան՝ Բիլզերյանը նշել է իր խանութը և ասել, որ մտածում է նաև ալկոհոլի բիզնեսի մասին։

Բելզիրյանը նաև ասաց, որ Հայաստան է եկել ընկերների հարսանիքին։

Նշենք, որ Դեն Բիլզերյանն արդեն այցելել է Հայաստան 2018թ.։ Այնուհետեւ ստացել է Հայաստանի Հանրապետության քաղաքացիություն եւ հաշվառվել Հայաստանի զինված ուժերում։ Բիլզերյանն այցելել է նաև Արցախ։