Առջևում ամենադժվարն է՝ ապացուցել, որ Արցախի 120.000-րդ բնակչության միակ փրկությունը «Կոսովոյի տարբերակն» է, գրել է գրող Նարինե Աբգարյանը՝ անդրադառնալով Ադրբեջանի կողմից Արցախի շրջափակման 28-րդ օրվան։
«Խնդիրն ամենադժվարն է, բայց մենք չենք հուսահատվի։ Փրկության այլ սցենար չունենք։ Եվ դա վերաբերում է ոչ միայն Արցախին, այլև Հայաստանին։ Հանձնվենք հիմա, վաղն այլևս չենք լինի»,- շեշտել է Աբգարյանը։
Հերթերը նկարելը շատ դժվար է, գրել է նա, մարդիկ վրդովված են, շրջվում են. «Մի նկարեք, ինչո՞ւ աշխարհին ցույց տանք, որ մեզ համար դժվար է։ Աշխարհը մեզ համար ժամանակ չունի, ինչո՞ւ նվաստանալ»: Սակայն, ըստ գրողի, դատելով նրանից, թե որքան կոշտ և նպատակաուղղված են առաջատար երկրների ղեկավարները խոսում Ալիևի ռեժիմի մասին, «աշխարհը վերջապես մեզ համար ժամանակ ունի»։
«Տեսա մի տատիկի լուսանկար, որը հերթում պանիր չէր ստացել: «Ես չեմ կարող ապրել առանց պանրի»,- մեղավոր ժպտաց նա և հեռացավ դատարկ պայուսակով: Սիրտս կոտրվում է»,- կիսվել է Աբգարյանը։
Արցախը, ընդգծել է նա, իր նախնիների արյունով ոռոգված հողն է։ «Իմ հրաշալի ընկերների և սիրելիների երկիրը. հսկայական ինքնահարգանքի ու անհնարին, անդիմադրելի, անմարդկային համառության մարդկանց երկիր: Միս իմ մարմնից, արյուն արյունից, իմ Արցախ. Շրջափակման 28-րդ օր. Քրիստոսի ծնունդից 2023թ. Երեխան ծնվեց, աշխարհը չի փոխվել»,- եզրափակել է նա։
Հիշեցնենք, որ դեկտեմբերի 12-ի առավոտյան ժամը 10:30–ից ընդհատված է Շուշիի շրջանի Լիսագոր, Մեծ շեն, Հին շեն և Եղցահող գյուղերի կապը մայրաքաղաք Ստեփանակերտի հետ։ Քաղաքացիական հագուստներով մի խումբ ադրբեջանցիներ, կրկին բնապահպանական պատճառաբանությամբ փակել են Ստեփանակերտ-Գորիս մայրուղին:
Արցախի պետնախարար Ռուբեն Վարդանյանն գլխավորությամբ ստեղծվել է օպերատիվ շտաբ, որը գործում է 24-ժամյա ռեժիմով՝ Ադրբեջանի կողմից Հայաստանի հետ կապող ճանապարհի արգելափակման հետևանքով ստեղծված իրավիճակում աշխատանքների համակարգման նպատակով:
Դեկտեմբերի 14-ից սկսած բողոքի ակցիաներ են սկսվել ՀՀ-ում տարբեր կառույցների ներկայացուցչությունների և դեսպանությունների մոտ։
ՄԱԿ-ի Անվտանգության խորհուրդը քննարկել է իրավիճակը Լաչինի միջանցքում։ Նիստի ընթացքում ԱՄՆ-ի, Ռուսաստանի, Ֆրանսիայի և Մեծ Բրիտանիայի ներկայացուցիչները հայտարարել են միջանցքով երթևեկությունը վերականգնելու անհրաժեշտության մասին:
Դեկտեմբերի 25-ին Արցախում՝ Ստեփանակերտի Վերածննդի հրապարակում, բազմահազարանոց համաժողովրդական հանրահավաք տեղի ունեցավ:
Արցախի կառավարությունը հայտարարել է, որ ժամանակավորապես դադարեցնում է հանքի շահագործումը. որոշում է կայացվել դիմել միջազգային կազմակերպություններին՝ «Բեյզ Մեթըլս» ընկերության գործունեության հետ կապված միջազգային էկոլոգիական փորձաքննություն իրականացնելու համար:
