Արդեն երեք շաբաթից ավելի է, ինչ Ադրբեջանը՝ աշխարհի ամեն ռեպրեսիվ և ավտոկրատ երկրներից մեկը, շրջափակել է Լեռնային Ղարաբաղը Հայաստանին կապող միակ ճանապարհը, ինչի պատճառով էլ սկսվել է հումանիտար ճգնաժամը։ Լեռնային Ղարաբաղում բնակվող հայերը զրկվել են սննդից և դեղորայքից։ Այս մասին գրում է The Jerusalem Post-ը։
«Այս գործողությունները ևս մեկ անգամ ընդգծում են, որ Ադրբեջանը շարունակում է իր նախնիների հայրենիքում ապրող հայերին ահաբեկելու արշավը։
Շրջակա միջավայրի պաշտպանության կեղծ պատրվակով ճանապարհը փակող ադրբեջանցիները հայտարարել են, որ մտահոգված են Լեռնային Ղարաբաղում էկոտեռորիզմով։
Նրանք հենց շրջակա միջավայրի պաշտպաններն են, որոնք իբր աղավնիներին ազատ են արձակում, ընդ որում մուշտակներ են հագնում և ներկայացնում են մի երկիր, որը Լեռնային Ղարաբաղի պատերազմի ժամանակ մեծ վնաս է հասցրել շրջակա միջավայրին՝ քիմիական զենք կիրառելով անտառների այրման համար, որտեղ խաղաղ բնակիչները պատսպարվել են ադրբեջանական հարձակումներից:
Այս էկոցիդի շրջանակներում Ադրբեջանը վտանգի տակ է դրել նաև այդ տարածաշրջանի համար էնդեմիկ անհետացող կենդանիների տեսակները, ինչպես նաև աղտոտել է գետերն ու ստորերկրյա ջրերը՝ այդ շրջանը դարձնելով ոչ պիտանի մարդկանց և վայրի կենդանիների բնակության համար։
Դատելով առկա վկայություններից և մարդու իրավունքների և շրջակա միջավայրի ոլորտում փտած հեղինակությունից՝ Ադրբեջանը մի երկիր է, որին չի կարելի վստահել։ Դա շատ առումներով պատճառներից մեկն է, թե ինչու Բաքուն վերջին տարիներին շատ ավելի մոտ է դարձել Մոսկվային։ Ռուսաստանը Ուկրաինա ներխուժելուց երկու օր առաջ Պուտինը լայնամասշտաբ համաձայնագիր է ստորագրել Ադրբեջանի հետ, որը խորացնում է նրանց դիվանագիտական և ռազմական համագործակցությունը։
Եվ որքան ավելի են ամրապնդվում Մոսկվայի և Բաքվի միջև կապերը, այնքան ավելի մեկուսացված է դառնում Հայաստանը։ Միտումնավոր, թե ոչ, Պուտինը շեղվել է Ուկրաինայի հետ իր պատերազմից, որից Ադրբեջանն ամբողջությամբ օգտվել է։
Բայց դա թույլ տալ Պուտինը կարող է և միտումնավոր, որպեսզի Արևմուտքին ազդանշան ուղարկի, որ առանց Ռուսաստանի չի կարող լինել տարածաշրջանային կայունություն։ Այլ կերպ ասած՝ Պուտինն, ըստ էության, ավելացնում է Ռուսաստանի ազդեցության ոլորտը՝ ոչ մի առանձնահատուկ բան չանելով և չասելով, և թույլ տալով Ադրբեջանին խաղալ իր տարածաշրջանային մկաններով։ Սա է պատճառներից մեկը, թե ինչու Հայաստանը ռուս խաղաղապահներին մեղադրում է դեպի Լեռնային Ղարաբաղ ճանապարհի անօրինական շրջափակումը կանխելու անկարողության մեջ՝ համաձայն տարածաշրջանում իր պարտականությունների և առաքելության։
Բայց աշխարհը պետք է հիշի, որ պուտինյան արժեքներն ավելի շատ կապված են Ադրբեջանի, քան Հայաստանի, երիտասարդ ժողովրդավարության հետ։ Պարզ ասած՝ բռնապետերը սիրում են միասին մնալ։ Այն, ինչ տեղի է ունենում Ուկրաինայում, ոչնչով չի տարբերվում նրանից, ինչ տեղի է ունենում հայերի դեմ։ Երկու երկրներն էլ պայքարում են իրենց ինքնիշխանության, գոյատևման և ժողովրդավարության իդեալների համար:
Ռուսաստանը համախոհի է գտել ի դեմս Ադրբեջանի։ Իսկ ԱՄՆ ժամանակն է, որպեսզի Ադրբեջանին պատասխանատվության կանչի, վերջ դնելով նրանց աղաղակող պահվածքին և սկսի Ադրբեջանի դեմ պատժամիջոցներ սահմանելուց, քանի դեռ ճանապարհ չի բացել դեպի Լեռնային Ղարաբաղ։ Վտանգված են ժողովրդավարությունն ու անմեղ կյանքը։ Ժամանակն անցնում է»,-գրում է պարբերականը։
