Փետրվարին Թուրքիայի նախագահ Ռեջեփ Թայիփ Էրդողանի անվտանգության համար պետական բյուջեից ծախսվել է ավելի քան 754,6 լիրա (16 միլիոն դոլար), ինչը գրեթե կրկնակի գերազանցել է հունվարի ցուցանիշը, գրել է Ermenihaber-ը։
Ըստ հրապարակման՝ մարտին Թուրքիայում սովի շեմը հասել է 32,8 լիրայի (721 դոլար), իսկ աղքատության շեմը՝ 106,8 լիրայի (2,4 դոլար)։
Այսպիսով՝ Էրդողանի անվտանգության մեկ օրվա արժեքը մոտ 25,2 միլիոն լիրա է (553,4 դոլար), մեկ ժամը՝ 1,5 միլիոն լիրա (23 դոլար)։
Ըստ երկրի ընդդիմության՝ Էրդողանին պաշտպանելու համար մեկ օրում ծախսվող գումարով բազմաթիվ քաղաքացիներ փորձում են գոյատևել ամբողջ ամսվա ընթացքում, նշել է կայքը։
Կայքի տվյալներով՝ նախագահի անվտանգության մեկ ամսվա ծախսերով հնարավոր կլիներ վճարել շուրջ 37 000 թոշակառուի կամ ավելի քան 51 000 այրու և ծնողազուրկ երեխայի նպաստ։
Այս տվյալների համադրությունը ցույց է տալիս ոչ միայն պետական ծախսերի աճը, այլև դրանց սոցիալական բաշխման անհամաչափությունը, պարզաբանել է հրապարակումը։
