ԱՄՆ նախագահ Թրամփն Իրավաբանների հայկական ասոցիացիայի անդամ Քրեյգ Միսակյանին Կալիֆոռնիայի հյուսիսային շրջանում ԱՄՆ-ի դատախազի պաշտոնում է առաջադրել, հայտնել են ասոցացիայից։ Միսաքյանը պաշտոնը կստանձնի Սենատի կողմից այն հաստատելուց հետո:
Նշվում է, որ նա տասնամյակներ շարունակ սերտորեն համագործակցել է Հայաստանի իրավաբանների ասոցիացիայի ղեկավարության և անդամների հետ:
Ջորջթաունի համալսարանի իրավաբանական կենտրոնի շրջանավարտ Միսակյանը նախկինում Կալիֆոռնիայի կենտրոնական շրջանում աշխատել է որպես ԱՄՆ դատախազի օգնական, որտեղ նա գործեր է վարել ահաբեկչության, պետական մարմիններում կոռուպցիայի և կիբեռհանցագործությունների ուղղություններով։ 2014-2016 թվականներին Միսաքյանն զբաղեցրել է ԱՄՆ Ներկայացուցիչների պալատի հատուկ հանձնաժողովի Բենգազիի գծով գլխավոր իրավախորհրդատուի տեղակալի պաշտոնը:
Մայիսին Կալիֆոռնիայի նահանգապետ Գևին Նյուսոմն Արմեն Թամզարյանին նշանակել էր նահանգի վերաքննիչ դատարանի դատավորի օգնական, իսկ Մելիսա Բալոյանին՝ Ֆրեզնոյի շրջանի գերագույն դատարանի դատավոր։
