ՀՀ նախկին ոստիկանապետ Վլադիմիր Գասպարյանի փեսան և դուստրը՝ Արթուր Գևորգյանը և Աննա Գասպարյանը, ապօրինի ծագում ունեցող գույքի բռնագրավման գործով հրավիրվել են դատախազություն։ Այս մասին տեղեկանում ենք azdarar.am կայքից։
Աննա Գասպարյանին հասցեագրված ծանուցման մեջ նշվում է, որ կատարվում է Արթուր Գևորգյանի գույքի ուսումնասիրության քննություն: Նրան կանչում են դատախազության եզրակացությանը ծանոթանալու համար, որ իր անունով գրանցված գույքն անօրինական է և ենթակա է բռնագրավման։
Քննությունն անցկացվում է «Ապօրինի ծագում ունեցող գույքի բռնագրավման մասին» օրենքի 16-րդ և 17-րդ հոդվածների («շահագրգիռ անձանց ծանուցում» և «շահագրգիռ անձանց ծանուցման կարգ») համաձայն, ասվում է դատախազության հաղորդագրության մեջ:
Գևորգյանն ու Գասպարյանը հրավիրվել են դատախազություն նոյեմբերի 18-ին՝ ծանոթանալու գործի նյութերին և ներկայացնելու իրենց դիրքորոշումները:
