ՀՀ զինված ուժերի գլխավոր շտաբի պետի նախկին առաջին տեղակալ, գեներալ-լեյտենանտ Տիրան Խաչատրյանի նկատմամբ քրեական հետապնդումը չի դադարեցվել, հայտնել է «Փաստինֆոն»։
Ըստ թերթի՝ Երևանի ընդհանուր իրավասության քրեական դատարանը՝ դատավոր Անի Դանիելյանի նախագահությամբ, մերժել է քրեական հետապնդումը դադարեցնելու միջնորդությունը։
Խաչատրյանը նկատմամբ քրեական հետապնդումը դադարեցնելու միջնորդության հիմքում, մասնավորապես, դրվել է քրեական հետապնդման ժամկետների խախտման հարցը։
Խաչատրյանի մեղադրանք էր առաջադրվել հունիսի 5-ին՝ «խուլիգանության» կասկածանքով։ Փաստաբան Վարազդատ Հարությունյանը նշել էր, որ երեք տարի շարունակ որևէ քննություն չի իրականացվել։ Ըստ փաստաբանի՝ մեղադրանք առաջադրելու, նախաքննությունն ավարտելու և գործը մեղադրական եզրակացությամբ դատարան ուղարկելու որոշումը կայացվել է վերջին օրերին՝ արագացված ընթացակարգով։
Նրան մեղադրանք էր ներկայացվել 2023 թվականի սեպտեմբերին՝ Արցախի էթնիկ զտման օրերին, Երևանում տեղի ունեցած միջադեպի գործով։ Այդ օրերին Երևանում տեղի ունեցած բողոքի ակցիաների ժամանակ վարորդներից մեկը մեքենան վարել է դեպի ցուցարարները, ինչի ժամանակ էլ Խաչատրյանը ձեռքով հարվածել է։ Նշված գործով Խաչատրյանը 2023թ նոյեմբերին կասկածանքի շուրջ հրավիրվել էր հարցաքննության, հրաժարվել ցուցմունք տալուց, ինչից հետո շուրջ երեք տարի գործը «մոռացվել» է, Խաչատրյանն ունեցել է փաստացի հետապնդման ենթարկվող անձի կարգավիճակ։
