Ավելի քան 1600 տարի առաջ ստեղծված հայկական այբուբենը մեծ դեր է խաղացել հայկական մշակութային ինքնության ձևավորման գործում, գրում է BBC Travel-ը։
«Հաջորդ 1500 տարվա ընթացքում այբուբենը կմնա ազգային հպարտության աղբյուր՝ հայկական մշակութային ինքնության հիմքում, որպես պատերազմներից կեղեքված հողի հետ համերաշխության խորհրդանիշ, որը գրեթե մշտապես տիրում և գաղութացված էր օտար ուժերի կողմից՝ հռոմեացիներ, բյուզանդացիներ, պարսիկներ և օսմանյան թուրքեր»,- գրել է հրատարակությունը։
Հեղինակ Սուգատո Մուխերջին նշել է, որ հայերեն տառերը տարբերվում են ժամանակի այլ գրավոր լեզուների նշաններից և ունեն յուրահատուկ ձև, որն արտացոլում է մայրենի լեզվով խոսողների անկախ բնավորությունը։
«Բայց պատճառներից մեկը, որ մենք կարողացանք դիմանալ, երևի այն էր, որ միշտ գիտեինք, որ գեղեցիկ տառերով պարուրված գեղեցիկ լեզու ունենք»,- հեղինակին ասել է «Տառերի պուրակ»-ի գիդ Սոֆյա Հակոբյանը:
Մուկերջին ավելացրել է, որ նման «գեղեցիկ տառերի հավաքածուի» հարստությունն ու ճկունությունն օգնել են պահպանել գրական շարունակական ավանդույթը հայ գրերի գյուտից ի վեր: Նա նշել է, որ հայոց այբուբենը «միայն գրային համակարգ չէ, այն նաև թվային համակարգ է, որն օգտագործվում է մաթեմատիկական հաշվարկների և օրացուցային ամսաթվերի գրանցման համար: Այն նաև ազգային հպարտության աղբյուր է»։
