Բրիտանացի դերասանուհի և երգչուհի Ջեյն Բիրկինի օրիգինալ Hermès պայուսակը վաճառվել է 10 մլն դոլարով, հայտնում է CNN-ը։
Նշվում է, որ մաշված, քերծված, լաքաներով Birkin-ի այս սև կաշվե պայուսակը դարձել է աճուրդում երբևէ վաճառված ամենաթանկ պայուսակը: Sotheby’s աճորդի տանն ինը կոլեկցիոների միջև 10 րոպեանոց սակարկությունների մրցավեճն ավարտվել է ճապոնացի մասնավոր կոլեկցիոների հաղթանակով:
Hermès-ի կողմից Birkin-ի առաջին պայուսակն ստեղծվել էր հենց Բիրկինի համար: Նա այն կրում էր գրեթե ամեն օր՝ 1985-1994 թվականներին:
1984 թվականին Hermès-ի նախկին նախագահ Ժան-Լուի Դյուման պատահաբար հայտնվել էր հենց Բիրկինի կողքին ՝ Փարիզից Լոնդոն թռիչքի ժամանակ։ Երեք երեխաների մայր Բիրկինը պատմել էր նրան, որ չի կարողացել գտնել բավականաչափ տարողունակ պայուսակ և իր հետ վերցրել է մի մեծ հյուսված զամբյուղ, որը, ըստ Sotheby’s-ի, թռիչքի ժամանակ պատահաբար ընկել էր Դյումայի վրա:
Այս միջադեպը դարձել էր տվյալ պայուսակի ստեղծման պատճառ։ Hermès ապրանքանիշը նրան է նվիրել պայուսակը։
Նշվում է, որ Hermès-ի կողմից ի սկզբանե մշակված պայուսակը դարձել է ամենացանկալին և, ամենայն հավանականությամբ, այդպես կմնա դեռ շատ տարիներ։
