Հունաստանում Հայաստանի դեսպան Տիգրան Մկրտչյանը ներկա է գտնվել Ատտիկայի Վարի շրջանում գտնվող Հունաստանի ռազմական ակադեմիայում տեղի ունեցած 2028 թվականի առաջին կուրսեցիների՝ «Լորդ Բայրոն» դասարանի երդման հանդիսավոր արարողությանը, հայտնել են դեսպանատից։
Ռազմական ակադեմիայում ուսանում է Հայաստանից 4 երիտասարդ։ Արարողությանն ընդհանուր երդվել է 130 առաջին կուրսեցի, որոնցից 93-ը Հունաստանից է, 24-ը՝ Կիպրոսից, 1-ը՝ Ալբանիայից, 4-ը՝ Հայաստանից, 3-ը՝ Հորդանանից, 1-ը՝ Մոլդովայից, 2-ը՝ Սենեգալից և 2-ը՝ Թունիսից։
Առաջին կուրսեցիների երդման արարողությունը Ռազմական ակադեմիայի համար տոնական օր է համարվում։ Վաշտի հրամանատար, գեներալ-մայոր Անաստասիոս Պոլիխրոնոսը նշել է, որ երդումը նշանավորում է նոր ուղու սկիզբ։
