Տուլայի «Արսենալ» ֆուտբոլային ակումբի կիսապաշտպան Տիգրան Ավանեսյանը հրավիրվել է Հայաստանի ազգային հավաքական՝ առաջիկա ընկերական հանդիպումներին մասնակցելու համար, հայտնում է Championat.com-ը:
Նշվում է, որ սա առաջին դեպքն է Տուլայի ֆուտբոլի պատմության մեջ, երբ ակումբի ֆուտբոլիստը հրավիրվել է իր երկրի ազգային հավաքական։
Ֆուտբոլիստն ընդգրկվել է Հայաստանի հավաքականի կազմում՝ նախապատրաստվելու Կոսովոյի (հունիսի 6-ին) և Չեռնոգորիայի (հունիսի 9-ին) հավաքականների հետ նախատեսված ստուգողական խաղերին։
Աշխարհի 2026թ․ առաջնության ընտրական փուլի շրջանակում Հայաստանի հավաքականը հանդես կգա F խմբում՝ մրցելով Հունգարիայի, Պորտուգալիայի և Իռլանդիայի հավաքականների հետ։
Տուլայի «Արսենալը» Ռուսաստանի առաջնության Առաջին լիգայում վաստակած 40 միավորով զբաղեցնում է մրցաշարային աղյուսակի 10-րդ հորիզոնականը։
