«Լոս Անջելես Քինգս» ամերիկյան հոկեյի ակումբը պաշտոնապես ներողություն է խնդրել փետրվարի 23-ին «Յուտա» ակումբի հետ տնային խաղից հետո հայկական ժառանգության երեկոյի ժամանակ տեղի ունեցած միջադեպի համար, գրել է Сhempionat.com-ը։
Նշվում է, որ այնտեղ վաճառվում էին հայկական դրոշի ոճով շարֆեր, որոնք պատրաստվել էին Թուրքիայում։
«Մենք ցանկանում ենք անկեղծորեն ներողություն խնդրել հայ համայնքի և նրա սահմաններից դուրս գտնվող մեր բոլոր ընկերներից այն բացթողման համար, որը կարող էր ակամայից ազդել ձեզ վրա։ Մենք գնում, պահում և վաճառում ենք ապրանքներ արտադրողների ընտրված ցուցակից, որոնք պաշտոնապես լիցենզավորված են լիգայի կողմից, և մենք չգիտեինք ապրանքի ծագման մասին»,- ասվում է ակումբի հայտարարության մեջ:
Բոլոր նրանց, ովքեր շարֆը ձեռք են բերել ակումբի ֆիրմային խանութից, «Լոս Անջելես Քինգս»-ի ղեկավարությունը գումարի ամբողջական վերադարձ կամ ապրանքի փոխանակում է առաջարկել։
