ՀՀ քննչական կոմիտեն հայտնել է հանցավոր կազմակերպության բացահայտման մասին, որի մասնակիցները, ըստ ՔԿ տվյալների, 810 մլն դրամ են հափշտակել 1404 տուժած ճանաչված քաղաքացիներից։
Հանցավոր խումբ ստեղծելու գործով մեղադրյալ Ս․Խ․-ի նկատմամբ հարուցվել է հանրային քրեական հետապնդում։
Ըստ ՔԿ-ի՝ հանցավոր խումբը ստեղծվել է 2021 թվականի հոկտեմբերին:
Կազմակերպության ղեկավարները ներգրավել են առնվազն 144 անդամների, այդ թվում՝ անչափահասների։ Կիրառելով կեղծ բովանդակությամբ համացանցային կայքեր, օգտագործելով նախապես ստեղծված համակարգչային համակարգով ու ցանցով գործարկվող հաշիվներ՝ գործարկվել են բարձր տոկոսով շահութաբերություն ապահովող ներդրումներ կատարելու առաջարկ պարունակող կայքեր և նախնական նույնականացումն ապահովող հարթակներ:
