Օգոստոսի 2-ին հանրապետության մի շարք վայրերում դիտված առավելագույն ջերմաստիճանները գերազանցել են այդ օրը երբևէ գրանցված արժեքները, հայտնում է Հիդրոօդերևութաբանության և մոնիթորինգի կենտրոնը։
Երևանում օդի ջերմաստիճանը հասել է +41.9 աստիճանի՝ գերազանցելով 2000 թվականին գրանցված +40.8 ջերմաստիճանի նախորդ ռեկորդը։ Բացի այդ, Արենիում գրանցվել է +42.6 (2011 թվականի +40-ի համեմատ), Արտաշատում՝ +40.9 (2011 թվականին՝ +40.7), Ապարանում՝ +33.5 (2000 թվականին՝ +32.2)։
Կենտրոնն այսօր ավելի վաղ հայտնել էր, որ Հարավից արևադարձային տաք օդի ալիքի ներթափանցմամբ պայմանավորված՝ օգոստոսի 2-7-ին Արարատյան դաշտում, Վայոց ձորի նախալեռներում, Սյունիքի հովիտներում և Երևանում սպասվում է բարձր ջերմային ֆոն․ ցերեկը ժամը 16։00-17-00-ն ընկած ժամանակահատվածում՝ +39․․․+41 աստիճան տաքություն։
