Ադրբեջանը 2024 թվականին գնել է 2,2 մլրդ դոլարի զենք և դարձել աշխարհում 16-րդ խոշորագույն զենք ներմուծողը, նշվում է Զենքի համաշխարհային առևտրի վերլուծության կենտրոնի (ЦАМТО) տարեկան զեկույցում։
Ադրբեջանի կողմից զենքի գնման ծավալը համեմատելի է Միացյալ Նահանգների և Եգիպտոսի հետ։
Թուրքիան նույնպես առանձնացել է վարկանիշում՝ 7 մլրդ դոլարի պայմանագրերով զբաղեցնելով 6-րդ տեղը, ինչը կազմում է համաշխարհային շրջանառության ծավալի 5,73 տոկոսը։ ЦАМТО-ից նշել են, որ սա ռեկորդային ցուցանիշ է երկրի համար։
Թուրքիայի համար կարևոր քայլ էր F-16V Block 70/72 կործանիչների մատակարարման և առկա F-16 ինքնաթիռների արդիականացման երկար սպասված պայմանագրի ստորագրումը։ Ըստ վերլուծության՝ 2024 թվականին զենքի ներմուծման պայմանագրերի ընդհանուր ծավալը կազմել է 122 071 մլրդ դոլար, ինչը զիջում է 2023 թվականի ռեկորդային՝ 152 087 մլրդ դոլարին, սակայն մնում է բարձր մակարդակի վրա։
2021-2024թթ. ընթացքում համաշխարհային զենքի շուկան հասել է տպավորիչ՝ 510 224 մլրդ դոլարի։
Հայաստանի կառավարությունը այս տարի պաշտպանության ընդհանուր ծախսերի համար նախատեսել էր 1,7 մլրդ դոլար, որը կկազմի ՀՆԱ-ի 6 տոկոսը։ Այս ցուցանիշը 20 տոկոսով գերազանցում է 2024 թվականի ծախսերը (1,4 մլրդ դոլար):
