ԱԺ «Հայաստան» և «Պատիվ ունեմ» խմբակցությունները կոչ են արել քաղաքացիներին ապրիլի 5-ին մասնակցել ընդդիմության հանրահավաքին: Հայտարարության մեջ ասվում է:
«Ծանր վիճակում է Հայրենիքը, ծանր վիճակում ենք բոլորս։ Այս իշխանությունը պատրաստ է Արցախը թողնել Ադրբեջանի կազմում։ Այս իշխանությունը կատարում է թուրք-ադրբեջանական բոլոր պահանջները։
Պարտված ու անկարող գործող խմբակը միայն մեկ նպատակ ունի՝ երկարաձգել իր իշխանությունը։ Նրանք վտանգում են մեր պետականությունը, մեր ապագան, մեր կյանքը։ Ժողովրդի գլխին կախված նոր սպառնալիքները մտնելու են յուրաքանչյուր տուն, յուրաքանչյուր ընտանիք։ Այս ընթացքը պետք է կասեցնել»,-նշվում է հայտարարության մեջ։
Նրանք քաղաքացիներին կոչ են արել մասնակցել ապրիլի 5-ին կայանալիք հանրահավաքին՝ անկախ քաղաքական հայացքներից և կուսակցական պատկանելությունից։
