ՀՀ ԱԺ առողջապահության հարցերի մշտական հանձնաժողովի նախագահ, «Քաղաքացիական պայմանագիր» խմբակցութան պատգամավոր Արսեն Թորոսյանն Իտալիայում մասնակցել Ուկրաինայի վերականգնման 4-րդ համաժողովին, հայտնում է ԱԺ մամուլի ծառայությունը։
Նշվում է, որ Թորոսյանն առանձնազրույց է ունեցել Ուկրաինայի Գերագույն ռադայի առաջին փոխնախագահ Օլեքսանդր Կորնիյենկոյի հետ։
Խորհրդարականներին ուղղված իր խոսքում ՀՀ ներկայացուցիչը կարևորել է միջոցառման անցկացումը։
«Հայաստանն առաջին անգամ մասնակցեց այս համաժողովին անցյալ տարի, և մենք շարունակելու ենք հանձնառու մնալ Ուկրաինայի վերականգնմանը և եվրոպական խաղաղության ու կայունության ավելի լայն նպատակի իրականացմանը»,- ասել է Թորոսյանը:
Ըստ նրա՝ Հայաստանն այս քննարկմանը բերել է ոչ միայն համերաշխություն, այլև ընդհանուր փորձ:
«Մենք ևս անցել ենք պատերազմի ցնցումների, խաղաղ բնակչության տեղահանության, ինքնիշխանությանը սպառնացող վտանգների միջով: Մեր ժողովուրդը սեփական փորձով գիտի, որ խաղաղությունը պարզապես հակամարտության բացակայություն չէ, այլ դժվարությամբ ձեռք բերված նվաճում է, որը պահանջում է քաջություն, համբերություն և նվիրվածություն»,- նշել է նա:
Նա վերահաստատել է Հայաստանի պատրաստակամությունը՝ շարունակելու սերտ համագործակցությունը եվրոպացի գործընկերների հետ, և առաջին հերթին՝ «Ուկրաինայի ժողովրդի ու ինստիտուտների հետ, քանի որ կիսում են նույն արժեքները»։
