Իրանը տեղեկություն է ստացել, որ փոքր քանակությամբ ԱԹՍ-ներ Իրանի տարածք են մտել հարևան երկրների տարածքով, այսօր լրագրողների հետ հանդիպմանը հայտարարել է ՀՀ-ում Իրանի դեսպան Մեհդի Սոբհանին:
Նա հավելել է, որ հետախուզական տվյալների հիման վրա են դիմել Ադրբեջանին:
Իրանի և Ադրբեջանի նախագահների միջև հեռախոսազրույցի ժամանակ մեր նախագահը խնդրել է Ալիևին, որ լուրջ հետաքննություն անցկացվի այդ ուղղությամբ: Կսպասենք, տեսնենք, թե այդ հետաքննության արդյունքներն ինչպիսին կլինեն, ինչից հետո որոշում կկայացնենք, թե ինչպես արձագանքել», – ասել է դեսպանը:
Ըստ նրա՝ «հնարավոր ու հավանական է, որ թշնամի սիոնիստական ռեժիմը այդ հարևան երկրի տարածքից օգտված լինի»:
Իրանի նախագահ Մասուդ Փեզեշքիանն ադրբեջանցի պաշտոնակից Իլհամ Ալիևին հունիսի 26-ի հեռախոսազրույցի ժամանակ հայտնել էր Իրանի և Իսրայելի հակամարտության ընթացքում Ադրբեջանի տարածքում իսրայելական անօդաչու թռչող սարքերի թռիչքի մասին հաղորդագրություններն ստուգելու անհրաժեշտության մասին: Այս հարցին «հատուկ ուշադրություն էր դարձվել»:
Մանրամասները՝ տեսանյութում։
