Վարչապետ Նիկոլ Փաշինյանը Վիետնամի Սոցիալիստական Հանրապետության Ազգային ժողովի նախագահ Չան Թան Մանի հետ քննարկել է Հայաստան-Վիետնամ երկկողմ բազմոլորտ համագործակցության զարգացման հեռանկարները, հայտնել է կառավարության մամուլի ծառայությունը։
Մանի գլխավորած պատվիրակությանը պաշտոնական այցով գտնվում է Հայաստանում:
Զրուցակիցները կարևորել են տնտեսական հարաբերությունների ակտիվացման ուղղությամբ կոնկրետ միջոցառումների և քայլերի մշակման անհրաժեշտությունը:
Փաշինյանը նշել է, որ երկու երկրների միջև բարձր մակարդակի փոխայցելությունները վկայում են երկկողմ հարաբերությունների հետագա խորացման և ընդլայնման երկուստեք հետաքրքրվածության մասին:
Մանն ընդգծել է, որ Հայաստան այցը նպատակ ունի ավելի ամրապնդելու և խորացնելու Հայաստան-Վիետնամ բարեկամությունը:
Փաշինյանը և Չան Թան Մանը նաև մտքեր են փոխանակել նաև տարածաշրջանային նշանակության մի շարք հարցերի շուրջ:
