ԱՄՆ նախագահ Դոնալդ Թրամփն ակնկալում է Հայաստանի և Ադրբեջանի միջև խաղաղության պայմանագրի ստորագրում, ասել է ԱՄՆ Պետդեպարտամենտի էներգետիկ ռեսուրսների բյուրոյի ավագ խորհրդական Էրիկ Ջեյքոբսը։
Reuters-ի փոխանցմամբ՝ Ջեյքոբսն այս մասին ասել է Բաքվում էներգետիկ միջոցառմանն իր ելույթի ժամանակ։
Պետքարտուղարության պաշտոնյան նշել է, որ խաղաղության պայմանագրի ստորագրումը Հարավային Կովկասի համար «անվտանգության և բարգավաճման նոր դարաշրջան» կբացի:
Ավելի վաղ ԱՄՆ նախագահի Ազգային անվտանգության հարցերով խորհրդական Մայք Ուոլցը հայտարարել էր, որ Հարավային Կովկասում հակամարտությունը պետք է ավարտվի, ինչպես նաևԲաքվին կոչ էր արել ազատ արձակել հայ գերիներին։ ԱՄՆ պետքարտուղար Մարկո Ռուբիոն խաղաղության պայմանագրի տեքստի շուրջ Երևանի և Բաքվի միջև բանակցությունների ավարտը համարել էր հակամարտության էջը շրջելու հնարավորություն՝ համաձայն ԱՄՆ նախագահի «ավելի խաղաղ աշխարհ» տեսլականի։
