2020 թվականի նոյեմբերի 10-ին կառավարության և Ազգային ժողովի վարչական շենքերում և այլ վայրերում զանգվածային անկարգություններ կազմակերպելու համար ևս 7 անձ ձերբակալվել է, հայտնում է Քննչական կոմիտեն։
«Անկարգություններին մասնակցելու, սահմանադրական կարգը բռնի տապալելուն ուղղված հրապարակային կոչերի, ինչպես նաև Ազգային ժողովին և կառավարությանը պարտադրելու դեպքերի առթիվ նախաձեռնված քրեական վարույթով Ազգային անվտանգության ծառայության աշխատակիցների կողմից համատեղ ձեռնարկված միջոցառումների արդյունքում պարզվել է զանգվածային անկարգություններին մասնակցած ևս 7 անձի ինքնություն»,- մանրամասնքում է կոմիտեն։
Ըստ ՔԿ-ի՝ քննիչի միջնորդության հիման վրա հսկող դատախազի կողմից որոշումներ են կայացվել վերջիններիս նկատմամբ քրեական հետապնդում հարուցելու վերաբերյալ: Նշված 7 անձինք ձերբակալվել են:
Բացի այդ, միջնորդություններ են ներկայացվել դատարան՝ 7 անձի նկատմամբ որպես խափանման միջոց վարչական հսկողությունը ընտրելու վերաբերյալ:
2020-ի 44-օրյա պատերազմից հետո՝ նոյեմբերի 10-ի գիշերը, որին նախորդել էր Հայաստանի, Ռուսաստանի և Ադրբեջանի ղեկավարների միջև կրակի դադարեցման փաստաթղթի ստորագրումը, Երևանում զանգվածային անկարգություններ էին տեղի ունեցել, ծեծի էր ենթարկվել այդ ժամանակ ԱԺ նախագահի պաշտոնն զբաղեցնող Արարատ Միրզոյանը։
2020-ի հունվարին ԱԱԾ-ն հայտնել էր, որ կալանավորվել են Միրզոյանի նկատմամբ բռնություն գործադրած և վարչապետ Նիկոլ Փաշինյանին հատկացված կեցավայրից հափշտակություն կատարած անձինք։
