«Հայաստան» խմբակցության պատգամավոր Գառնիկ Դանիելյանի ավտոմեքենան վնասելու դեպքի առթիվ նախաձեռնվել է քրեական վարույթ, Armenia Today-ին հայտնել է ՔԿ մամուլի խոսնակ Կիմա Ավդալյանը։
Նա մանրամասնել է, որ գործը հարուցվել է Քրեական օրենսգրքի 44-254-րդ հոդվածի 2-րդ մասի 3-րդ կետի հատկանիշներով (գողության փորձ՝ տեխնիկական միջոցի վնասմամբ, առավելագույն պատիժը՝ 5 տարվա ազատազրկում):
Այսօր ավելի վաղ պատգամավորն ահազանգել էր, որ կոտրել են մեքենայի կողապակին և հայելիները։ Դանիելյանը հավելել էր, որ նախնական զննությամբ, ավտոմեքենայից գողություն չի կատարվել։
