Հայաստանն ընդգրկվել է Forbes-ի «Լավագույն ճանապարհորդական ուղղություններ 2023» վարկանիշում որպես լավագույն զբոսաշրջային ուղղություններից մեկը։
«Հայաստանը գեղեցիկ երկիր է՝ հարուստ պատմությամբ և մշակույթով։ Այստեղ կան զարմանալի բնապատկերներ, լեռներ, Սևանա լիճ, բազմաթիվ հնագույն ճարտարապետական հուշարձաններ, ինչպիսիք են Գառնու տաճարը և Հաղպատի վանքը։ Դրանցից մի քանիսն ընդգրկված են ՅՈՒՆԵՍԿՕ-ի ժառանգության ցանկում»,- գրում է Forbes-ի լրագրող Կարոլին Լուպինին։
Բնության սիրահարներն ու արշավականները, նշում է հեղինակը, կարող են վայելել 861 կմ (535 մղոն) Անդրկովկասյան արահետը, որն անցնում է Հայաստանով: Երկիրը հայտնի է նաև իր համեղ խոհանոցով, որտեղ օգտագործվում են մի շարք թարմ խոտաբույսեր և համեմունքներ:
«Եթե գուրման եք, բաց մի թողեք հայկական յուրահատկությունները համտեսելու հնարավորությունը՝ խաշ (տավարի կճղակների հարուստ արգանակ), տոլմա (խաղողի տերևներ), մանթի (թխած պելմենիներ) և, իհարկե, տնական թթու վարունգ»,- գրում է Լուպինին։
Հեղինակը զբոսաշրջիկներին խորհուրդ է տալիս ուշադրություն դարձնել Երևանի մի քանի հյուրանոցների վրա և նշել դրանցում ապրելու արժեքը։
Forbes ամսագիրը 2022 թվականի նոյեմբերի վերջին առաջարկել է հինգ բուտիկ հայկական գինեգործարաններ, որոնք արժե այցելել Հայաստանում՝ հաշվի առնելով դրանց յուրահատկությունը, համն ու խառնուրդը, խմորման և հնացման մեթոդները, ինչպես նաև գինեգործության պատմությունը մեկ կումով պատմելու կարողությունը։
