Եվրասիական տնտեսական միության (ԵԱՏՄ) անդամ երկրները պայմանավորվածություն են ձեռք բերել ազգային արժույթներով հաշվարկներին փուլ առ փուլ անցնելու մասին, «Россия-24» հեռուստաալիքի եթերում հայտնել է ՌԴ տնտեսական զարգացման նախարար Մաքսիմ Ռեշետնիկովը:
«Ռուբլով փոխադարձ հաշվարկների հարցը քննարկվել է Եվրասիական տնտեսական հանձնաժողովի խորհրդի նիստում։ Այլ կերպ ասած, այն տուրքերը, որոնք ստանում է յուրաքանչյուր երկիր, հետո բաժանվում են որոշակի համամասնություններով, որոնք ամրագրված են միության պայմանագրով, և համապատասխանաբար հայտնվում են համապատասխան երկրների բյուջեներում։ Նախկինում այդ ամենը տեղի է ունեցել արտարժույթի օգտագործմամբ։ Այսօրվա դրությամբ պայմանավորվել ենք փուլային անցում կատարել ազգային արժույթներով հաշվարկներին»,- ասել է ռուս նախարարը։
Նա ընդգծել է, որ Ռուսաստանի համար առանձին կարևորություն է ներկայացնում այն, որ ՌԴ-ի մաքսերի հիմնական հաշվարկը ռուբլով է: «Դրանով մենք ձեռնամուխ ենք եղել միասնական ռուբլու տարածքի ձևավորմանը»,- պարզաբանել է Ռեշետնիկովը:
