Ստամբուլում ավարտվել են Թուրքիայի, ԱՄՆ-ի և Ուկրաինայի եռակողմ բանակցությունները ռուս-ուկրաիանական հակամարտության դադարեցման վերաբերյալ, փոխանցում է Reuters-ը:
Հանդիպումներին մասնակցել է Թուրքիայի արտգործնախարար Հաքան Ֆիդանը, Նահանգների պատվիրակությունը գլխավորում է պետքարտուղար Մարկո Ռուբիոն, իսկ ուկրաինական պատվիրակության կազմում է Պաշտպանության նախարար Ռուստեմ Ումերովը:
Սպասվում է, որ այս քննարկմանը կհաջորդեն Թուրքիա-Ռուսաստան-Ուկրաինա բանակցությունները։ Ռուսաստանի պատվիրակությունը գլխավորում է նախագահ Վլադիմիր Պուտինի խորհրդական Վլադիմիր Մեդինսկին։
Ռուսաստանն Ուկրաինային առաջարկել էր մայիսի 15-ին Ստամբուլում վերսկսել 2022 թվականին ընդհատված ուղիղ բանակցությունները։ Ուկրաինայի նախագահ Վլադիմիր Զելենսկին հայտարարել էր, որ Թուրքիայում կսպասի Ռուսաստանի նախագահին։ Վերջինս, սակայն, ռուսական պատվիրակության կազմում չէ:
