ՀՀ վարչապետ Նիկոլ Փաշինյանն Էջմիածնի քաղաքապետ Դիանա Գասպարյանին և Նոր Նորքի թաղապետ Տիգրան Տեր-Մարգայանին սկանդալային միջադեպերի պատճառով հրաժարական տալու կոչ է արել, հայտնել է «Ժողովուրդ»-ը։
Ըստ թերթի՝ Գասպարյանին ՔՊ վարչության նիստի ժամանակ «հասկացրել» են, որ հրաժարական ներկայացնի, իսկ Տեր-Մարգարյանի հարցը «փոխանցվել է» «Հանրապետություն» կուսակցության առաջնորդ Արամ Սարգսյանին:
Փաշինյանը, հրապարակման համաձայն, վարչության նիստի ժամանակ ասել է, որ Գասպարյանի ամուսնու և սկեսրայրի գազալցակայանում տեղի ունեցած պատմության և ակտիվիստ Արթուր Չախոյանի հետ միջադեպից հետո Տեր-Մարգարյանի շուրջ ստեղծված իրավիճակի մասին ընդդիմությունը հարցեր է տալիս, որին պետք է լուծում տրվի։
Թերթի տեղեկություններով՝ իրավապահները կասկածներ ունեն գազալցակայանում տեղի ունեցած սպանությանը Գասպարյանի ամուսնու մասնակցության վերաբերյալ։
«Իրավապահ համակարգն այնպես է տրամադրված նախկին քաղաքապետի ամուսնու դեմ, որ չի բացառվում, որ նրան ձերբակալեն»,- նշել է ԶԼՄ-ն։
«Հրապարակ»-ի տեղեկություններով՝ Տեր-Մարգարյանն իր հնարավոր հրաժարականից առաջ տեղակալ-տեղապահ է նշանակել «Հանրապետության» անդամ Մարատ Սևոյանին։
Մայիսի 15-ին Վաղարշապատի համայնքապետի պաշտոնից հրաժարական էր տվել Դիանա Գասպարյանը։ Ըստ ոչ պաշտոնական տեղեկությունների՝ Երևանի Նոր Նորքի թաղապետ Տիգրան Տեր-Մարգարյանը նույնպես հրաժարական է ներկայացրել։
