Սիրիայի ժամանակավոր նախագահ Ահմեդ ալ-Շարաան ԱՄՆ նախագահ Դոնալդ Թրամփից նվեր է ստացել իր սեփական ապրանքանիշի օծանելիք, որը, նրա պնդմամբ, «լավագույն բույրն» է, հայտնում է The Telegraph-ը։
Թրամփը նշել է, որ ևս մեկ շիշ է պատրաստել որպես նվեր ալ-Շարաայի կնոջ համար՝ հարցնելով՝ «քանի՞ կին ունի»։ Սիրիայի ժամանակավոր նախագահը ծիծաղել է և հաստատել, որ մեկ կին ունի։ «Ձեզ հետ երբեք հաստատ չգիտես»,- պատասխանել է Թրամփը։
Ըստ գործակալության՝ Սիրիայի նախագահին չի տրվել լիմուզինով Արևմտյան թև մոտենալու սովորական արտոնություն։ Դռան մոտ դրոշներ, պատվո պահակախումբ կամ նախագահական ձեռքսեղմում չկային։
Փոխարենը՝ նրա մեքենան նկատվել է Արևմտյան Էքզյութիվ Դրայվի նկուղի մուտքի մոտ, որն օգտագործվում է ազգային անվտանգության պաշտոնյաների կողմից ճգնաժամային կամ գաղտնի բանակցությունների համար ժամանող Կոնգրեսի անդամների համար։
Թրամփը Սիրիայի նախագահի հետ հանդիպել էր նոյեմբերի 10-ին։ Ալ-Շարաան դարձել է 1946 թվականին երկրի անկախությունից ի վեր Սիրիայի առաջին առաջնորդը, որն այցելել է Վաշինգտոն։ Հանդիպումից առաջ ԱՄՆ նախագահը հայտարարել էր Սիրիայի դեմ պատժամիջոցների վերացման մասին։
