Գազայի հատվածում սննդի հատկացման կետում սպասող շուրջ 85 մարդ զոհվել է իսրայելական հարվածներից, հայտնում է BBC-ն` հղում անելով ՀԱՄԱՍ զինյալ կազմակերպության կողմից ղեկավարվող Առողջապահության նախարարությունը։
ՄԱԿ-ի Պարենային ծրագրի համաշխարհային կազմակերպությունը հայտարարել է, որ իր 25 բեռնատարից բաղկացած շարասյունը «բախվել է սոված խաղաղ բնակիչների զանգվածային ամբոխի», իսկ շարասյունը «կրակի տակ է ընկել» հսկիչ անցակետերը հատելուց անմիջապես հետո։
Իսրայելի պաշտպանության բանակը պնդել է, թե «զգուշացնող կրակ» է կիրառել՝ «անմիջական սպառնալիքը վերացնելու նպատակով»։ Իսրայելի ռազմական գերատեսչությունը նաև կասկածի տակ է դրել զոհերի հայտարարված թիվը։
Շաբաթ օրը Գազայի առողջապահության նախարարությունը նախազգուշացրել էր, որ աճում է ծայրահեղ սովը, ինչպես նաև բուժհաստատություններ դիմող մարդկանց թիվը:
«Նախազգուշացնում ենք, որ հարյուրավոր մարդիկ, որոնց մարմինները հյուծված են, մահվան վտանգի տակ են սովի պատճառով»,- ասված է հայտարարությունում։
