ԱՄՆ քսան նահանգ դատական հայց է ներկայացրել նախագահ Դոնալդ Թրամփի վարչակազմի դեմ՝ փորձելով կանխել հնարավոր բնական աղետներից պաշտպանվելուն ուղղված դրամաշնորհային ծրագրի չեղարկումը, հայտնում է ՏԱՍՍ-ը՝ վկայակոչելով Axios-ին։
«Միակողմանիորեն փակելով Դաշնային արտակարգ իրավիճակների կառավարման գործակալության (FEMA) բնական աղետների հետևանքները մեղմելու գլխավոր ծրագիրը՝ պատասխանողները գործել են անօրինական և խախտել են իշխանությունների տարանջատման հիմնական սկզբունքները»,- ասվում է դատական հայցերից մեկում։
Ապրիլին FEMA-ն հայտարարել էր «Կայուն ենթակառուցվածքների և համայնքների կառուցման» ծրագրի փակման մասին՝ հայտնելով միջոցների «անօգուտ և քաղաքականացված» ծախսի ավարտը, հիշեցնում է Axios-ը։ Գործակալությունը, ըստ հայտարարության, վերադառնում է իր հիմնական առաքելությանը՝ «օգնել ամերիկացիներին վերականգնվել բնական աղետներից»։
Այսօր ավելի վաղ սենատը հավանություն էր տվել USAID-ի և երկու լրատվամիջոցի չեղարկման վերաբերյալ Թրամփի օրինագծին։ Փետրվարից Վաշինգտոնում փակվել է ԱՄՆ ՄԶԳ կենտրոնակայանը, ինչը դժգոհություններ է առաջացրել Նահանգներում:
