Իսրայելի կողմից հունիսի 13-ին արձակված կրակոցներից վնասվել են Սպահան քաղաքի միջուկային օբյեկտում գտնվող չորս կարևոր շենքեր, հայտնել է Ատոմային Էներգիայի միջազգային գործակալությունը (ՄԱԳԱՏԷ)։
Գործակալության տվյալներով՝ վնասված կառույցների թվում է ուրանի փոխակերպման գործարանը։
«Ինչպես Նաթանզում, այնպես էլ օբյեկտից դուրս ճառագայթման մակարդակի բարձրացում չի սպասվում»,- ասվում է X-ում գործակալության հաղորդագրության մեջ:
Ավելի վաղ ՄԱԳԱՏԷ-ն հայտարարել էր, որ Սպահանում Իրանի միջուկային օբյեկտները մի քանի անգամ հարձակման են ենթարկվել:
Իրանը հունիսի 13-ին բալիստիկ հրթիռների կիրառմամբ հարվածներ էր հասցրել Իսրայելին՝ ի պատասխան Թել Ավիվի՝ ավելի քան 200 կործանիչի կիրառմամբ հունիսի 13-ի գիշերվա հարձակման, որի հետևանքով իրանցի բարձրաստիճան զինվորականներ են զոհվել: ՀՀ ԱԳՆ-ն դատապարտել էր Իսրայելի հարձակումն Իրանի վրա։
Հունիսի 14-ին Միջուկային և ռադիացիոն անվտանգության գիտատեխնիկական կենտրոնը հայտնել էր, որ Հայաստանի հարավում ռադիոակտիվ ֆոնի փոփոխություն չկա։
Կարդացեք նաև՝
Փորձագետները գնահատել են Հայաստանի հնարավոր քայլերը` Իսրայելի կողմից Իրանի վրա հարձակման ֆոնին
Իրանի ու Իսրայելի պատերազմից կարող է օգտվել Ադրբեջանը՝ հարձակվելով ՀՀ-ի վրա. Հրանտ Միքայելյան
