Գազայի հատվածում Իսրայելի գործողությունների հետևանքով զոհերի թիվը 2023 թվականի հոկտեմբերի 7-ից հասել է 54 հազարի, հայտնում է ՏԱՍՍ-ը՝ հղում անելո պաղեստինյան անկլավի առողջապահության նախարարությանը։
Գերատեսչության տեղեկատվության համաձայն՝ «վերջին 24 ժամվա ընթացքում Գազայի հատվածի հիվանդանոցներ Է հասել 38 զոհ, 204 վիրավոր»:
Նշվում է, որ բերված վիճակագրությունը չի ներառում Հյուսիսային Գազայի նահանգի հիվանդանոցների տվյալները, քանի որ դրանց հասանելիությունը դժվար է:
«2023 թվականի հոկտեմբերի 7-ից իսրայելական ագրեսիայի զոհերի թիվը հասել է 53 939-ի, ևս 122 797 մարդ վիրավորվել է»,- ասվում է հաղորդագրության մեջ։
Հունվարի 15-ին Իսրայելը և ՀԱՄԱՍ-ը փուլային համաձայնության էին եկել Գազայի հատվածում պատերազմը դադարեցնելու վերաբերյալ: Մարտի 18-ի լույս 19-ի գիշերն Իսրայելը վերսկսել էր հարվածները Գազայում։ Իսրայելի վարչապետ Բենիամին Նեթանյահուն հայտարարել էր, որ հարձակումները շարունակվել են՝ կապված պաղեստինյան շարժման կողմից հրադադարի ռեժիմի երկարաձգման և պատանդների ազատման ամերիկյան ծրագիրը մերժելու հետ:
