Ստենդափեր Նուրլան Սաբուրովին ձերբակալել են Մոսկվայի «Շերեմետևո» օդանավակայանում՝ միգրացիոն հաշվառման ժամկետները խախտելու համար, հայտնում է «Իզվեստիա»-ն՝ հղում անելով իր աղբյուրներին։
Սաբուրովը Ղազախստանի քաղաքացի է: Նշվում է, որ արտիստը պարտավոր է սահմանված ժամկետում լքել Ռուսաստանը։ Նրա նկատմամբ նաև 5000 ռուբլի տուգանք է նշանակվել։
SHOT տելեգրամյան ալիքի տվյալներով՝ Սաբուրովին չեն արգելել մուտք գործել Ռուսաստան, բայց եթե նա ցանկանա վերադառնալ, ապա պետք է դա անի բոլոր կանոններով: Իշխանություններն արտիստին երկու շաբաթ են տվել Ռուսաստանից հեռանալու և կրկին մուտք գործելու համար՝ պահպանելով միգրացիոն բոլոր կանոնները, ճշտել է տելեգրամյան ալիքը: Եթե ստենդափերը դա չանի, նրան կարգելվի մուտք գործել Ռուսաստան։
