Վատիկանում այսօր տեղի է ունենում Հռոմի պապ Ֆրանցիսկոսի հուղարկավորության արարողությունը, հայտնում է RBK-ն։
Հուղարկավորության պատարագը տեղի է ունենում Սուրբ Պետրոսի տաճարի առջևի հրապարակում։ Պատարագն անցկացրել է Կարդինալների քոլեջի դեկան, կարդինալ Ջովաննի Բատիստա Ռեն, հաղորդում է Սուրբ Աթոռի կնիքների սենյակը։
Արարողությունից հետո Հռոմի պապի դագաղը տեղափոխվում է Հռոմի Սանտա Մարիա Մաջորե տաճար՝ թաղման համար, ինչպես խնդրել էր Ֆրանցիսկոսը։ Սուրբ Աթոռի մամուլի ծառայության տվյալներով՝ արարողությանը մասնակցում է ավելի քան 160 պատվիրակություն, այդ թվում՝ ավելի քան 60 պետությունների և կառավարությունների ղեկավարներ, ինչպես նաև ԵՄ ղեկավարությունը։
Հավատացյալները հավաքվել են Վատիկանում՝ վերջին հրաժեշտը տալու Հռոմի պապին։
Հռոմի պապը մահացել է ապրիլի 21-ին՝ 88 տարեկան հասակում։ Ապրիլի 22-ին վարչապետ Նիկոլ Փաշինյանը ցավակցական հեռագիր էր հղել Հռոմի պապի մահվան կապակցությամբ։
