Իրանի և ԱՄՆ-ի պատվիրակություններն Օմանի մայրաքաղաք Մասկատում ավարտել են անուղղակի բանակցությունների փուլը, հայտնում է Tasnim-ը։
Նշվում է, որ Իրանի արտաքին գործերի նախարար Աբբաս Արաղչիի և ԱՄՆ նախագահի Մերձավոր Արևելքի հարցերով հատուկ դեսպանորդ Սթիվ Ուիտկոֆի գլխավորած պատվիրակությունների բանակցությունները վերաբերում էին միայն Իրանի խաղաղ միջուկային խնդրին և Իսլամական Հանրապետության դեմ պատժամիջոցների վերացմանը։
Ըստ գործակալության՝ կողմերը զրուցել են ավելի քան երկուսուկես ժամ՝ Օմանի միջնորդի միջոցով փոխանցելով իրենց դիրքորոշումներն այդ հարցերի վերաբերյալ։
Նրանք համաձայնել են հաջորդ շաբաթ շարունակել բանակցությունները։
Ապրիլի 8-ին ԱՄՆ նախագահ Դոնալդ Թրամփը հայտարարել էր միջուկային ծրագրի շուրջ Իրանի հետ ուղիղ բանակցությունների մեկնարկի մասին։ Reuters-ը գրել էր, որ համաձայնության հասնելու համար շուրջ երկու ամիս կա, հակառակ դեպքում՝ Իսրայելը կարող է ինքնուրույն քայլեր ձեռնարկել:
