ԱՄՆ նախագահ Դոնալդ Թրամփի հայտարարած մաքսատուրքերը համեմատաբար ձեռնտու են Թուրքիային, և Անկարայի ղեկավարությունը շարունակում է վերահսկել իրավիճակը, ասել է հանրապետության փոխնախագահ Ջևդեթ Յիլմազը։
«Թուրքիայի նկատմամբ սահմանվել է 10 տոկոսմաքսատուրք: Առայժմ դա մեզ համար ձեռնտու է: Մաքսատուրքերի բարձրացումն այն երկրներին, որոնք վաճառում են իրենց ապրանքներն ԱՄՆ-ի շուկայում, ստիպում է ագրեսիվ կերպով մուտք գործել այլ շուկաներ, և մենք պետք է զգույշ լինենք»,- ընդգծել է նա:
Մյուս կողմից, ըստ Յիլմազի, ապրանքների գները նվազել են, ուստի այս առումով կարելի է խոսել դրական էֆեկտի մասին։ Նրա կարծիքով՝ այժմ պետք է հետևողական լինել, թե ի՞նչ դրական և բացասական միտւմներ կան:
«Շարժվում ենք դեպի պրոտեկցիոնիստական աշխարհ։ Գնում ենք դեպի մի ժամանակաշրջան, երբ յուրաքանչյուր երկիր կպաշտպանի իր շահերը»,- ասել է նա։
Ապրիլի 3-ին ԱՄՆ նախագահը մի շարք երկրների, այդ թվում՝ Հայաստանի համար մաքսատուրք էր սահմանել։ Հայաստանի համար սահմանված մաքսատուրքը 10% է։
