ԱՄՆ-ում գերազանցել են Սենատի պատմության ամենաերկար ելույթի ռեկորդը, դեմոկրատ Քորի Բուքերը խոսել է ավելի քան 25 ժամ, 4 րոպե, հայտնում է Associated Press-ը։
Ըստ կայքի՝ ելույթի ամբղջ ընթացքում Բուքերը քննադատել է երկրի գործող նախագահ Դոնալդ Թրամփին։ Նա մարտի 31-ին բարձրացել է ամբիոն և ասել, որ կխոսի «այնքան երկար, որքան ֆիզիկապես կարող է»։
Բուքերը ելույթ է ունեցել ամբողջ գիշեր և հաջորդ օրն առանց սննդի, քնելու և պետքարան գնալու՝ առանց ընդմիջումների։ Իր ելույթի ընթացքում չի նստել, խմել է միայն ջուր։ Նա իր ելույթն ավարտել է ապրիլի 1-ի երեկոյան: Դրանով նա գերազանցել է սենատոր Սթրոմ Թուրմոնդի սահմանած ռեկորդը, որը 1957 թվականին 24 ժամ 18 րոպե էր խոսել՝ դեմ արտահայտվելով Քաղաքացիական իրավունքների ակտին:
Բուքերը, մասնավորապես, խոսել է Թրամփի առաջին գործադիր հրամանների հետեւանքների մասին՝ չշրջանցելով Գրենլանդիայի և Կանադայի թեման։
«Մեր երկրի համար նորմալ ժամանակներ չեն: Ամերիկայի ժողովրդին և ամերիկյան ժողովրդավարությանն սպառնացող վտանգները լուրջ և հրատապ են, և մենք բոլորս պետք է ավելին անենք դրանց դիմակայելու համար»,- ասել է սենատորն ամբիոնից:
