Ֆրանսիայի նախագահ Էմանուել Մակրոնը մտափոխվել է Իսրայելի վարչապետ Բենիամին Նեթանյահուին Միջազգային քրեական դատարանի (ICC) որոշմամբ ձերբակալելու հարցում, եթե նա ժամանի Լիբանան, փոխանցել է Կոմերսանտը։
Այն բանից հետո, երբ նոյեմբերի 21-ին ՄՔԴ-ի Նախաքննական պալատը Նեթանյահուին կալանավորելու հրաման էր տվել, Ֆրանսիայի ԱԳՆ-ն հայտարարել էր, որ «ի գիտություն է ընդունել» Իսրայելի վարչապետի դեմ «մեղադրանքների պաշտոնականացումը»: Ֆրանսիան, 122 այլ պետությունների հետ միասին, վավերացրել է Հռոմի ստատուտը, ինչը նշանակում է, որ նա պետք է կատարի հրամանը, եթե Նեթանյահուն այցելի երկիր:
Axios-ը, հղում անելով իր աղբյուրներին, հայտնել է, որ Նեթանյահուն «վրդովվել է» Ֆրանսիայի ԱԳՆ հայտարարությունից։ Դա բարդացրել է Իսրայելի և «Հեզբոլլահի» միջև խաղաղ համաձայնագրի շուրջ բանակցությունների գործընթացը, ըստ որի՝ Ֆրանսիան պետք է դառնար դրա իրականացման երաշխավորներից մեկը։ Դրանից հետո ԱՄՆ նախագահ Ջո Բայդենը զանգահարել էր Մակրոնին և, ինչպես գրում է Axios-ը, պնդել՝ անհնար է միջնորդել գործարքի կնքմանը՝ խոստանալով ձերբակալել համաձայնագրի մասնակից պետության ղեկավարին։
Նեթանյահուի դիվանագիտական անձեռնմխելիությունը «պետք է հաշվի առնել»,- նշել է գերատեսչությունը: Le Monde-ի աղբյուրները հաստատել են, որ հայտարարությունն անհրաժեշտ է Իսրայելի հետ լարվածությունը «Հեզբոլլահի» հետ համաձայնագրից առաջ նվազեցնելու համար։
